Cantiga para recibir o aninovo

Manuel María, escritor  para as Letras Galegas 2016 

¡Ai, qué Noiteboa chea de ledicia
 si os galegos estuveran en Galicia! 
¡E nós eiquí calados!

 ¡Ai, qué santo e bó sería o Nadal 
si houbera no mundo menos mal! 
¡E nós eiquí calados! 

¡Ai, qué Aninovo cheo de craror 
si houbera na terra mais amor!
 ¡E nós eiquí calados! 

¡Ai, que leda e gozosa Epifanía 
si todo amañecera limpo como o día!
 ¡E nós eiquí calados!

 E si houbera xusticia, paz e ben, 
¡cómo brilaría a estrela de Belén!
 Os anos van pasados, 
¡e nós eiquí calados! 


Manuel María (ms.)
Monforte de Lemos, Nadal, 1964