O escritor Amadeo
Cobas no Miraflores.
O martes 28 de
marzo, os alumnos e alumnas de 1º ESOC recibiron a visita do
escritor Amadeo Cobas. Roi, un alumno deste curso, fixera unha
presentación na clase do libro A cacería e gustoulles moito.
E tivemos a posibilidade de que o autor se achegase ao Miraflores . E
desde logo aproveitámola.
O que máis lle gustara a Roi era que A cacería trataba de
tribos, xa que hai poucos libros que traten o tema. Cando comezou o
libro pareceulle que o protagonista, Zairo, non ía sobrevivir na
aventura que se lle poñía por diante, pero percatouse que quizais o
conseguiría grazas á súa astucia e intelixencia. O libro
parecéralle moi interesante, e sentiu pena ao acabalo.
Recibimos a
Amadeo e fixemos unha foto coa Rosalía do Miraflores. Logo subimos á
biblioteca.
Entre os
numerosos temas dos que falou, Amadeo insistiu moito na importancia
da natureza, da relación do ser humano con ela, algo que
experimentou especialmente cando viviu nos Perineos.
E foron saíndo
temas como o de Afonso Graña, o galego rei do Amazonas. Ou a lenda
das sereas do Amazonas, uns golfiños rosas que din que se converten
en persoas.Ou a fonte dos cabalos de Compostela, na que polo visto
hai dous cabalos que se levan mal.
Amadeo contoulles
cómo comezou a escribir. Lía moitos libros e chegou un momento no
que lle gustaba a el inventar o final, cámbialo e por iso decidiuse
a escribilo. Moitos comentaron que a eles tamén lles pasaba algo
parecido, que se metían tanto nos libros que querían cambialos.
Dirixiuse aos que
lle gusta escribir e recomendoulles ler e escribir poesía, porque
axuda a entender os sentimentos...e descubrimos que xa hai alguén
que o fai en 1ºESOC, que xa escribe poesía.
E para rematar e
o que máis éxito tivo foi que puideron probar a cerbatana, e coller
a falcata, esa arma terrible que parece no libro A cacería.
Quedaron varios
exemplares asinados para a Biblioteca Miraflores. O alumando
entregoulle un tríptico elaborado para esta visita, dándolle as
grazas por vir falar con eles e para dicirlle que o pasaran moi ben.
Todo comezou coa
lectura que fixo Roi e coa axuda de Martín Iglesias. Grazas.
Grazas a Amadeo
polas súas historias, e a súa proximidade e alegría. E por ser tan
amable.
Temos que darlle
as grazas á Editorial Xerais por facilitarnos esta visita. Ata a
próxima.
Ningún comentario:
Publicar un comentario