Os días 16 e 19 de xaneiro o alumnado de 3 ESO e 1BACH do
IES Miraflores visitou en Vigo o Museo do Mar, e tivo o grande privilexio de
poder ver unha das grandes xoias da lírica galego-portuguesa medieval, como é o
Pergamiño Vindel de Martín Códax despois de catro décadas na Morgan Library de
New York e a onde regresará no mes de marzo.
A relevancia deste documento radica en que seis das
composicións están acompañadas de pentagramas musicais e xunto ás de Don Dinís,
rei de Portugal, son as únicas mostras atopadas das cantigas profanas
galaico-portuguesas.
En torno ao manuscrito artellouse unha exposición
comisariada por Francisco Singul, con outras corenta pezas do século XII ao XV,
así como de cadros de autores consagrados procedentes doutros museos galegos
para contextualizar unha época de grande riqueza cultural.
Nun marco incomparable, e co pano de fondo da ría de Vigo...
á que tantas veces cantou Martín Códax, o noso alumnado fixo un percorrido polo
museo e visitou tamén o Acuario.
A actividade estaba organizada polo departamento de Lingua
Galega e de Dinamización Lingüística(Antonio Porto e Graciela Grande)
Profesores acompañantes: Sandra Espiñeira, Marta Souto,
Lucía Cociña, Begoña Bugía e Manuel Vilar.
Ningún comentario:
Publicar un comentario