A Real Academia Galega dedicaralle o Día Mundial da Poesía a Xohana Torres

Retrato de Xohana Torres por Laxeiro

A escritora e académica de número, falecida o pasado mes de setembro, será recordada o vindeiro 21 de marzo nun acto literario e musical, a partir das 19:30, no que poetas de distintas xeracións e amizades da autora lerán e comentarán desde unha perspectiva persoal fragmentos da súa obra. Guadi Galego e Guillerme Fernández poranlle música a esta homenaxe.

Declara o oráculo:

Que a banda do solpor é mar de mortos,

incerta, última luz, non terás medo.

Que ramos de loureiro erguen rapazas,

que cor malva se decide o acio.

Que acades destas patrias a vendima.

Que amaine o vento, beberás o viño.

Que sereas sen voz a vela embaten.

Que un sumario de xerfa polos cons.

Así falou Penélope:

Existe a maxia e pode ser de todos.

¿A que tanto nobelo e tanta historia?

Eu tamén navegar.

Xohana Torres, académica da RAG