Concurso de EPITAFIOS

Atréveste a facer o teu propio epitafio? 

Se isto é un pouco forte, podes ir ensaiando co de alguén non coñecido.

Durante todo o mes de novembro poderase presentar, en cartulina ou similar e cun tamaño A4 aproximadamente, un epitafio orixinal, pero que se asinará cun pseudónimo. Na Biblioteca farase entrega dun sobre pechado co pseudónimo por fóra e dentro figurará o nome do alumno.

Teremos dúas categorías: unha "seria" e de ton elevado e outra " festiva", sen que sexa soez.. En cada categoría haberá un primeiro e segundo premio, que levarán un agasallo (aínda por determinar).

Na medida do posible colgaranse no blog  todos os epitafios presentados e darase conta dos gañadores.

A resolución do concurso terá lugar na primeira quincena de decembro e o xurado estará composto por dous profesores e dous alumnos ( que non poden participar no certame).

ANIMÁDEVOS!!!!! PORQUE .....

Aquí van algúns exemplos:

"Sólo le pido a Dios que tenga piedad con el alma de este ateo".
Miguel de Unamuno


 "Cuspídeme enriba cando pasedes por diante do lugar onde eu repouse, enviándome unha húmida mensaxe de vida e de furia necesaria".
Lois Pereiro

"Aquí reposan os restos dun ser que tivo beleza sen vanidade, forza sen  insolencia, valor sen ferocidade e todas as virtudes dun home sen  e os seus vicios".
De Lord Byron para o o seu can Botswein

"Dende aquí non se me ocorre ningunha fuga"
Johann Sebastian Bach